踩單車 - 漢江

趁仲未好凍,快d踩下單車. 今次近近地去漢江, 都成年無黎踩,變左好多. 定係以前都係揀夜晚踩,所以無日頭睇得咁清楚呢?!

今日好多人踩單車,可能呢排唔凍又唔熱,好o岩踩.差唔多成個月無踩,驚腳力唔夠,只係踩到盤浦.

原來盤浦大橋日頭都噴水架喎~

下面條橋係潛水橋,一落勁大雨兼會水浸時就會封橋.同埋漢江既洗手間全部都係流動既,方便水浸漢江時將流動洗手間搬上公路.

水上的士,又幾型仔喎~

想放下風箏,對上一次放係92年學校旅行.去邊度呢

都唔記得..

今日都幾充實,踩左2個鐘,20km. 充實既係睇左好多野,平時踩完單車就調頭返屋企,今次就落車行下,影下相

,睇下日落. 原來停一停會睇到好多野.

以前係香港,每日都咪埋眼返工放工,星期六日會係屋企瞓晏d,唔係探婆婆就行公司,都無話周圍去下睇下野. 除左返工要去九龍,假期莫講話去離島或者行山,連走出香港島都唔會...

而家,多左機會周圍睇下,就算望下天睇下地,個感覺都唔錯架