金三珣套餐

Date: 9 Oct 2011

踩完單車,返屋企抖下,就去屋企附近食晚飯.

呢間餐廳,幾年前黎過,一食之下愛上佢既味道,特別係個蛋卷. 雖然呢間野整得好味,但係我都係第二次幫襯,因為如果要黎食,就忍唔住會叫個蛋卷.我要忍口忍口,所以極少黎.

就係呢個蛋卷,同出面d唔同,唔會乾淨淨,而且仲好厚,呢碟唔知有無6隻蛋,如果有,嘩,成2碗飯既熱量.仲有,我呢個禮拜已經食左2隻蛋+1隻咸蛋,再食呢碟,超哂標

叫左個 불고기뚝배기 (牛肉鍋),入面有粉絲,牛肉,個湯甜甜地,鐘意食,因為又可以撈飯嘛~

再黎係오징어붂음(炒魷魚)..哈哈,名副其實炒魷魚,雖然個色好紅,但唔算辣.連埋洋蔥一齊食,正

佢呢度有삼순이세트(三珣set),係因為演'我係金三珣'既金宣兒每次黎都會叫既幾樣野,就以佢既角色命名.

我地係最後一台走,所以無人囉~

食完飯,去左食pretzel+latte,今餐食得太多野喇,要再做運動,就係行一個鐘頭先返屋企. 今日真係腳都軟埋

--------------------------------------------------------------------------------

其實韓國人都幾幽默架喎~