pound cake & pudding

次次黎餅店都想買呢個walnut pound cake,但係對我呢個唔駛食都肥既人黎講,唯有次次都望下當食左.

今晚又去餅店買麵包,又來引誘我,終於

,唯有聽日行山落力d...

都唔爭在喇,買埋呢個cappuccino pudding, 之前食過朱古力pudding,都幾滑幾好食,唔知呢個重唔重cappuccino味呢?? 好食既話,都想學下整,蝦~突然愛上食pudding添~

幾時先中呀~

我地呢度有六合彩,叫 lotto. 老公話如果發夢見到

,就會中大大獎.

我: 但係我咁大個女都好似未發過豬夢喎...

老公: 咁發夢見到

都得既~

呵~易過借火啦,我成日都發

夢既,真係唔知點解...

有一晚真係發夢見到

,第2日就叫老公買喇,點知,1隻字都唔中

老公: 咁你下次發夢要掂下

喇~

hmm...好呀,於是日思夜想, 掂屎掂屎掂屎~

終於有一晚,真係俾我發夢掂左. 叫老公去買, 又係唔中既~

老公: 咁呀...咁你下次要食埋

先得喇~

我: 哼~好呀,我執俾你食~

今日我大哂 - 第三擊 (晚餐)

本來想食salad bar, 但係晏晝個餐仲未消化哂,咁唯有食蔘雞湯.

我未食過什麼'土俗村蔘雞湯', 無得比較,但係呢一間既蔘雞湯絕對係好好味,係我既不二之選. 牛肋骨湯或者其他湯,我可以試其他餐廳,但係蔘雞湯我就一定只會食呢一間.

伴菜都整得好好食.

今日我大哂 - 第二擊 (三清洞,韓屋村)

黎左韓國咁耐,都係第一次黎呢兩度地方.去之前真係要做定功課,溫下地圖,唔係就會盪失路架喇~

兩旁種滿銀杏樹,10月時落葉,地上面就會鋪滿遍地黃金,好靚~

今日我大哂 - 第一擊 (午餐)

想食呢間好耐好耐,但係飯桶先生成日話呢D係女人聚腳地,驚死入左去出唔返黎, 定係自從認識左我之後,佢怕左女人??!!

但係今日係我話事日,所以你只可以say YO~, 唔可以say NO~

叫左2樣野 + latte

Cream cheese N Mozzarella pancake, pancake 整得唔錯,中間夾左Mozzarella,唔會搶左大家既味道.

咁早到呀~

有一年農曆年要返鄉下,公司個partner 同另一同事都係同一鄉下,咁就買4張機票一齊返鄉喇~

個partner P君, 佢成日遲到,呀唔係,係次次都遲,所以千吩咐萬叮囑佢o個日一定唔準遲,唔係我地就唔等佢.

過幾日,瞓瞓下覺,朝早6點幾老公個電話響,我地係度暗罵邊條低能友晨早流流打電話黎. 我地無理,繼續瞓,蝦~又打黎?? 死唔斷線,於是老公就聽左佢.

老公: 喂? (啊,原來係P君...)

P君: 你地係邊呀? (真係火都黎, 晨早打黎問係邊...

)

老公: 屋企囉...

P君: 吓?! 你地仲唔出門口??

老公: 去邊呀?

P君: 機場呀! 返鄉下呀!

老公: ...(老公燒著咁滯)...聽日先係呀,死白痴仔!!!!

P君: 呵~係咩??

就係咁,P君今次好叻呀,無遲到, 仲早左1日到添~

至弊就係個同事又會同P君一齊癲,早1日到...

一品雪梨

琴日踩完單車,夜晚個覺巧巧瞓,巧瞓到呢...老豆~!你姓咩架??!!

今晚去左超市,嘩,執到筍野呀...

原價13,800won,而家減成半. 點解話抵?係因為呢批係中秋時人地精挑細選既送禮佳品,賣唔哂,割價囉~

上星期買左2個試,又係減到2,000won一個,又甜又多汁,呻笨無買多2個. 今日又見到喎,拿拿林喇喂~

至少2個拳頭咁大,係至少喎,無誇~ 真係食半個都飽呀.

踩單車郊野上~

今日去華川踩單車,要成2個鐘車...

原來經過38線架喎~

烏龍阿媽

講開高速公路,同事영이就分享左佢媽咪既朋友既經歷.

個朋友有兩個小朋友,大約4歲同6歲,有一日個朋友自己開車載2個仔女返鄉下,又係勁塞車,咁o岩對仔女想去小小,個媽咪見d車郁都唔郁下,就叫佢地自己落車係路邊解決. 係呢個時候,車龍開始郁,但係郁得好慢,個媽咪就逐d逐d向前行. 慢慢行,然後快d,再開快d,跟住d車就行得好順暢喇.

開開下,個媽咪聽到有架車響horn,佢無理,繼續開車,無幾耐,架車又響horn,佢以為人地叫佢開快d,所以佢就開快d,點知架車追住佢黎horn,佢仲暗罵人地: "死八公 @#$#$ "  佢唔理,對眼一味望前面繼續開佢既車. 

又響horn, 佢終於忍無可忍,望下隔離~ 

"點解...點解...對仔女係人地架車到架??"

o個對仔女係人地架車度

,係度叫,猛拍個車窗嗌"阿媽~阿媽~"

真係...咁都得?!

旅行變齋食午飯

假期第3日,去邊好呢? 今日d人開始由鄉下返首爾,去得遠得滯返黎又驚塞大車,唸下唸下去束草啦.

一入高速公路入口,嘩~唔係呀化~

再行前d, 嘩~真係唔係呀化~

溫泉SPA

假期第2日,去浸下溫泉先.

上午11:45出發,下午1:20到, 先食午飯,個度附近得幾間餐廳,仲係食牛既,無得揀,唯有又食牛肋骨湯.最普通既幾舊骨同幾條粉絲既牛肋骨湯.

갈비탕

為慶祝中秋假期既開始(哈哈...個藉口好完美),今晚出街食飯,去左食갈비탕(牛肋骨湯). 牛肋骨湯可以話係咁多韓國菜中最鐘意食同接受既菜之一,因為呢邊無咩湯水可以煲,咁唯有耐唔耐飲下呢個湯當補身.

前菜:左邊既泡菜同깍두기(蘿蔔泡菜)我無掂過,所以唔知好無食,中間係南瓜,右上係生八爪魚,調左d辣醬,可以擺耐d,好食. 右下係홍어무침(洪魚),又係生既,加左d辣醋醬和其他材料,又係好味,食完仲叫佢添多碟.

腦塞

呢幾日做野做到頭瘟腦沌,好似今晚老公放工返屋企,一入門口就同我講: 有個好消息,有個壞消息,你想聽邊樣先?

我個口就開始上左鏈咁

自問自答:

我知~好消息係中秋唔駛返鄉下,壞消息係過左中秋先返...唔係,好消息係xxx壞消息係xxx, 呵~都唔係,好消息係xxx壞消息係xxx

...

老公只係講左一句,我條鏈就kick住左: 我係問你,想聽好消息先,定係壞消息先...

呵呵,係喎,你係咁問我架喎

---------------------------------------------------------------------------------

막국수닭갈비축제, 南怡島

Date: 4 Sep 2011

今日去左呢個炒雞肋蕎麥麵Festival,不過無往年咁熱鬧lu~ 梗係,都無野睇~

中秋禮物-黃太魚

就快到中秋,呢邊梗係無得送月餅啦~

而我地今日收到既係黃太魚.係離開左公司2,3年既伙計送俾我地.