件事係結婚頭一兩年,有一次一齊返香港,走個日一齊搭E車去機場.
行行下,架車係青馬大橋附近壞左.
老公: 咁點呀?
我: 等第二架車接我地囉~
點知話口未完,有架A車經過,於是我地成車人轉搭A車.
老公: 嘩! 乜咁快既. (哈哈,其實佢又唔知原來架A車只係咁 o岩經過,以為係巴士公司即刻派另一架車黎接我地)
我: (我梗係駁古仔駁到底啦) 係呀,香港人最講服務同效率架喇~
老公:
個傻佬到而家仲未知個真相架
2011年8月28日
Walkerhill Buffet
今日去Walkerhill 食 Buffet, 總結: below average
成$500一位, 無龍蝦,無大蝦,魚生只係本地普通既松魚,廣魚,劍魚,連新鮮既三文魚都無,得煙三文魚,咩都無...皇帝蟹都好呀,又無,得長腳蟹.
肉,有牛肉,羊排,排骨. 佢地D刀功
勁到呢,羊排切到紙咁薄;同埋D肉勁落蘇打粉,無哂肉味,乜蘇打粉大減價咩??!!
甜品...唉,連最鐘意既一環都令我失望,種類少到...我只係揀到一件..係一件合桃朱古力蛋糕食咋,陰公...
平時食buffet 可以食2個鐘,今次食左1個鐘3個字...走人
바지락 칼국수 刀削面
去完兒童大公園,去食晚飯.
今日食바지락 칼국수(蜆刀削面),拌菜淨係俾泡菜.
通常我地會叫2人份,但係個pat pat鬼今次想食紅豆粥刀削面...嘩~咁騎呢,你食喇~
於是我地每樣叫左一人份,你食你,我食我既. 味道鮮甜,飲左好多湯~
2011年8月27日
2011年8月26日
Etude House
前兩日,見補濕噴霧就用完,於是上網買番支,因為上網買平D,買滿5,500won又免費送貨,何樂而不為呢~
嘩~一睇,用開既mask大平賣,買一送一,平時1,000won一塊,而家
即係500won一塊,買多D先. 入會又送D points,總共慳左12,000won呀~咁又開心左半日~
用後感:
1) 個mask係我用過咁多個牌子最好既(對我黎講),尤其是aloe,做到鎮靜皮膚既效果,做完塊面又好滋潤.
2) 個補濕噴霧又唔錯啦,曬完噴一噴又精神爽利.
3) 支防水眉筆第一次買,效果好自然喎~ (不過仲未真正試佢係未防水,搵日出街用下佢先)
2011年8月24日
午飯: 蜆湯,三文魚
今日煮個바지락국(蜆湯),養顏又食唔肥.
首先滾起條大蔥,出一出味,然後落蜆煮熟就ok,非常簡單快脆;不過洗蜆就洗餐懵.
講究D既可以加埋半個洋蔥做湯底,更鮮甜.不過失策,最後唔記得落綠色辣椒,辣辣地好食D.
瘋狂追卜 - Everland
Date: 28 Mar 2010
因為我唔玩機動游戲,所以來到周圍搵show睇, 春天暖和 D 就會做'雀仔飛行表演',幾好睇,D 雀由山上面飛落草地,連孔雀都係咁飛落黎,幾好睇架.
2011年8月21日
睇戲 + buffet
今日有2個節目,第一個就係睇呢齣戲 '最終兵器-弓'. 平時唔睇韓片,就算睇,都係一開場無耐就瞓著既我,唸住今次都係俾幾十蚊租張凳愛黎瞓覺架喇...點知~全程無瞓過,無悶場,睇哂套戲,唔錯唔錯.
睇完戲,行一陣,然後去食buffet.唔好睇佢賣相唔錯,查實...下面分解.
2011年8月20日
單車頭盔
舊年,行開超市,走去鋪位同老公去買單車頭盔. 其實一般人戴free size已經足夠.
但係老公去試戴,個個都唔合size. 有個職員走過來問有咩要幫忙.
老公問佢有無其他size, 個職員問佢想要咩size, 佢而姨哦哦,話大size. 個職員望望佢個頭,我就睇住個職員個樣係想笑但係忍住唔笑,我企係一邊都想笑,老公都知尶尬,自己笑左出來.咁唯有上網買啦~
過幾日,網上間公司打電話俾佢(通常唔會打,照單執,但係人地都覺得太神奇喇~)
公司: 先生,想同你confirm下,你訂既頭盔係... XXL?
(唉, XL碼都不特只,仲要XXL,我身為佢老婆都笑爆咀
)
老公: 係.
係咁,我就真係信佢個頭有幾大喇,結左婚咁耐,我都係舊年先察覺佢原來係大頭仔.因為係公司D人同佢講佢有個大頭~
---------------------------------------------------------------------------------
好喇~今日佢join 左group 去踩單車,食晚飯時,有個隊員同佢講: 你個頭盔都幾大喎! 佢答話係呀. 仲俾個頭盔人試戴. 最抵死係 o個 個人戴左上頭,係度360度猛轉個頭盔(因為一般都係啦,戴左上頭就剛剛好,轉唔到).
其他人見到,仲問佢: 可唔可以摸下你個頭呀?
(嘩,我聽到真係想噴飯呀~)
佢仲話俾我聽,有2個女隊員笑到窒息咁滯...
虧你可以用你個頭黎娛樂大家~
2011年8月19日
2011年8月16日
全羅南道 - 順天灣,光州 (Day 3)
Date: 15 Aug 2011
唸住今日去무안睇荷花,食荷葉飯,但係經過第一日既煎熬,唔博喇,都係早D返Seoul.무안,下年先去啦~
出發前發現附近有荷花田,都幾大片,算啦,當去左~
早上10:10出發,直奔Seoul~
雖然都多車,但一路上都好順暢,直到有告示話정안個邊開始塞車,本來唸住停低食個午飯,都係唔好喇,hum hum聲去得幾遠得幾遠,去到天安真係塞車,好,橫掂都塞,轉入去service area 食飯.
醫飽肚繼續走,今日好D喇,6個鐘頭返到屋企lu~
全羅南道 - 順天灣,光州 (Day 2-2)
順天灣,係世界5大沿岸濕地.
2點去到,隻佬要set好佢部相機,mi mi mor mor,都未開始行入去蘆葦到已經落雨,佢又驚整濕佢個寶貝,我呢個二奶,唯有犧牲自己,俾件風褸佢,唔駛淋濕呀大婆..點知佢又市忽鬼上身,要行番去攞遮,我話攞咩鬼呀,過雲雨黎架咋,咁又攪左幾個字. 好喇,攞完遮入番場,即刻出太陽,
. 前前後後無左1個鐘. 終於,3點正式行...
全羅南道 - 順天灣,光州 (Day 2-1)
Date: 14 Aug 2011
經過琴晚既折騰,今日瞓晏D,10:30出門口食Brunch..
出門口前,係御花園視察一下,大伯一家係做有機食品生意,佢地咁注重健康,呢度種既當然係有機啦.
花生樹,原來係咁架,真係第一次見...
全羅南道 - 順天灣,光州 (Day 1)
Date: 13 Aug 2011
13至15號係連續3日假期,左唸右唸,終於決定去全南.
本來唸住星期日先出發,去2日既,但係星期六一起身,老公突然話: 不如下午出發囉. 我又唔醒起係假期頭一日,實多車,口快快話: 好呀~ (唔...千祈唔好朝早問我野,個人雖然係醒左,但個腦仲係睡眠狀態)
於是起身執行李,食埋個午飯,2時30出發.
上高速,一路上唔見有好多車,有D奇怪,仲心唸:幾好喎,無咩車. 點知過左Seoul個 toll gate,即係行左半個鐘,惡夢來了,D車都唔知係邊度黎既,一味塞,係咁塞...
2011年8月10日
2011年8月8日
2011年8月6日
一山, 오이도 半日游
今日見有陽光,下午去一山行下先...
咁橋見KBS搞音樂會,有 Super Junior, miss A等等等等,佢地做緊rehearsal,可惜太遠,完全睇唔到樣,相都費事影lu~
去到仲有少少光...
2011年8月2日
2011年8月1日
西瓜奇遇記
突然記起,快快手寫低先...
已經係舊年既事...話說有一晚,去超市入貨,係貨架上見大大個價錢牌 有機米5kg 15,800won,嘩~好抵喎,平時普通既都差唔多呢個價,而家呢包有機,剩返一千零一包,即入...
俾錢過機時,發覺包米個價打左成3萬won,即刻同cashier講,佢話部機係呢個價無錯嫁喇~
唔知D男人係未慣左多一事不如少一事,想算數.仲話係我睇錯價錢牌. 唔得!!!又唔係我錯,明明睇清睇楚先落手.於是俾完錢叫佢企定定等我,我就師奶超人變身,自己去返有機米度再check清楚價錢,真係無睇錯,仲影埋相做證,費時口同鼻拗.
同老公一齊去客服講,個女職員用對講機叫入面D人 check,大家等左好耐,個女職員於是都走入去幫我地check, 又等左一陣,見個女仔出返來,隔離又有個男職員攞住個黃色西瓜一路行一路望住我地,心唸 "弊~人地可能擺緊西瓜上架,怕我地等得耐,心急起上來連個西瓜都放唔切,攞埋出來招呼我地先~"
個女職員同我地解釋一輪,我同我老公對視,要忍住笑...因為佢話係佢地疏忽,所以送返個同等價錢既黃西瓜俾我地,真係爆咀. 我只係唸住退錢,無唸會咁嫁~
走左後問老公,我係未好叻呢,你賺左個西瓜. 佢話:最叻係你喇,好彩有車咋,如果唔係點秤2個西瓜返屋企? (因為我地自己同時又買左個西瓜).
哈哈,咁又係,如果無車,可能佢會答我:多得你唔少呀~
訂閱：
文章 (Atom)