我的新寵兒

星期六,無節目,兩公婆,鬥木獨...

但係星期六晚走左去買手機. 都唸左好耐,買Galaxy S II 好定ipad2好. ipad2多數用黎玩,下下拎咁大部出街唔係咁方便. 況且呀妹話如果出ipad3就俾佢部ipad2我,咁如果我而家又買ipad2未好敗家.

而手機呢,因為部舊手機都唔用得好耐, 如果買過部新既,我要既function都有,又方便攜帶, 至緊要係速度,上網快,camera 既質素又得, 一拎上手已經鐘意部機. 終於,扑槌買手機. 唯獨是聽音樂,音質方面再改良下就更好喇..

初初唸住買Galaxy S II, 個店員計完條數,反而Galaxy S II LTE 月費平過Galaxy S II (話就話平過,對我黎講都幾貴,2年合約 66,xxx won/每月, 2年後淨月費都要42,000won+4,200won tax) 點都好啦,呢部電話如果無俾我既超能力手指篤爛既話,都會長命多幾年既...

 

終於返左學校

上次講영이媽咪個朋友既烏龍野,呢次係發生係영이自己身上喇. 

係佢讀緊中學時,佢媽咪剛好考到車牌,於是有一日佢媽咪就話車佢返學. 佢心唸: 好喎,唔駛迫車.

出門口攞車時,佢媽咪叫佢將d錄影帶放係後座,順便還帶. 放好閂門,但佢仲未上車,架車就開始郁,不過郁得好慢,佢仲心唸: 唔怕,可以跳上車~

點知,都未開前面車門,架車就一支箭咁飆走左喇~

佢媽咪到左學校門口: 阿女,到左喇~ (檸轉頭, oh,,,個女呢??)

個女...唯有自己截的士返學囉~

韓國 - Salad Bar

星期六,隻佬去踩單車踩成日,就計劃自己去睇Seoul國際航空宇宙&防衛展.唸住'單'聲俾佢知,點知佢唔俾我自己去,係都要話星期日陪我去. 咁好死...難得一日佢老婆唔煩佢自己去搵節目,但係佢呢,偏要自尋煩惱. 唸唸下...都係老公了解我,因為我有一隻與別不同既手指,就係掂親咩都爛既(電視機,錄影機,鬧鐘都係我既傑作). 佢驚我郁一郁隻手指,人地d野就會好化學咁爛左,個度又有咁多戰機坦克咁,少咁個螺絲都賠唔起嘛. 都係你醒. 呀~米住, 你蠢呀, 如果我整爛人野無錢賠,我就會俾人的去坐花廳,你未有藉口揾過第二個囉,你恨左好耐啦~ 唔駛擔心我呀,花廳有人煮飯我食,又有人'睇住'我, 應該會好似香港咁有野做賺零用錢啩, 政府會'好好'照顧我架喇.

點知踩完單車攰到爆,唔駛問去唔成啦, 無得睇飛行表演,而今日係last一日. 我唔嬲,因為下個禮拜第二度有得睇. 我仲有機會. 如果唔係,你小心你個XL頭,你要咩size,我實好好咁

為左補償你遵守唔到既承諾,今晚就由我發辦. 係呀,每當你應承同我去邊度邊度而你又做唔到, 我就會自動自覺開著電腦,搵定食咩, 斬你一頸血補償我無得去既心靈.

無俾錢=偷??

星期一去超市,今日先發現唔記得俾西瓜錢, 已經係第2次喇, 上兩個月又係唔記得...兩個都咁大頭蝦...

哎吔,好驚有報應呀~

因為有一次去超市,又係唔記得俾一樣野既錢. (當時唸起老媽子因為人地找多左錢俾佢,幾蚊雞啫,就拗柴整親隻腳.) 我仲同老公講,唔緊要,我地兩個人四條腿...

點知無幾耐, 去明洞,假日見其他車通街泊,我地又泊,食食下晚飯,收到text message話我地架車拖走左,叫我地贖番架車. 嘩~當堂飯都食唔落,即刻飛的去攞番架車,俾左40,000won 拖車費,違例泊車費遲d會叫我地俾...

幾廿蚊變左無幾百蚊, 最衰call 拖車個八婆, 佢叫你拖你同佢收呀嘛,同我收做咩啫!! 

仲係衰唔知錯~ 

今次個西瓜成百蚊,會唔會仲大劑d呢? 

秋天返黎啦~

今晚8度,聽朝4度...

咁攪法,未好早冬天? 我未要提早冬眠? 

唔好掛...黎左韓國越來越怕凍,以前係香港最鐘意冬天,仲抵得冷穿短袖衫.

而家...冬天真係要閂哂d窗,一d風都唔俾攝入屋. 

今晚要開

係韓國既冬天,基本上係足不出戶,唯一既活動就係打個'慶合合'既, 呀,擇個日子打下先~

雨後動物園+少少紅葉

未到時候睇紅葉,又無咩地方想去,咁不如去探下老公d朋友啦~ 

天文台話星期六日會落雨,但係呢度既天文台又無時準...咁點呢...

琴日,真係落雨,兼行雷閃電...咁今日又話上晝會落雨,12點後就有陽光...信唔信好呢??

今日10點幾,個天暗,無幾耐就落雨,仲係,睇個勢,真係唔似會有陽光喎~ 11點半,嘩 ~真係~ 太陽出來了~~

好!就按計劃行事,去動物園探老公d朋友,又可以食我鐘意個檔既粟米,魷魚...正

真係搵鬼信上晝落過大雨黎~

海鮮刀切麵

李老闆~呀,唔係,李老公...咁樣黎引誘我??!! 你好大既膽子呀吓,同我拖佢出去...

곱창전골

呢個禮拜無去到超市,打開雪櫃無哂野食,就出街食飯啦.

都有成年幾兩年無黎呢間,個老闆娘勁呀,仲認得老公喎~唔知係未佢個特大號既頭太出眾,所以認得呢

呢個星期太放肆喇,又食炸雞又食呢個,無計,鬼叫佢星期六日唔開,趁咁好機會就去lu~

入面有烏冬,粉絲,小腸,牛肉,個大白菜好甜呀, 我鐘意個湯,不過太紅,唔敢撈飯.

炸雞

星期日食滯左,然後連續2日都無乜野落肚.見今日胃口好少少,就放縱下,叫個炸雞食. 叫左1隻,分兩半,一半原味,一半有醬汁.

金三珣套餐

Date: 9 Oct 2011

踩完單車,返屋企抖下,就去屋企附近食晚飯.

呢間餐廳,幾年前黎過,一食之下愛上佢既味道,特別係個蛋卷. 雖然呢間野整得好味,但係我都係第二次幫襯,因為如果要黎食,就忍唔住會叫個蛋卷.我要忍口忍口,所以極少黎.

踩單車 - 漢江

趁仲未好凍,快d踩下單車. 今次近近地去漢江, 都成年無黎踩,變左好多. 定係以前都係揀夜晚踩,所以無日頭睇得咁清楚呢?!

今日好多人踩單車,可能呢排唔凍又唔熱,好o岩踩.差唔多成個月無踩,驚腳力唔夠,只係踩到盤浦.

原來盤浦大橋日頭都噴水架喎~

70後BB 和 2010 BB大不同

5個月大時, 某日,自己一個人係佢屋企湊呢個豆釘,佢媽咪出門口返工前話如果BB喊,就放佢落BB車同佢出街行個圈. 上午時都好乖,食哂D奶,又無扭計.到下午黎料,扭眼瞓,初時抱起佢氹佢瞓,唔瞓.唱歌俾佢聽,唔瞓. 放佢係BB車搖下佢,唔瞓. 擺番低佢,又唔瞓. 點都唔瞓,仲喊到拆天,塊面谷到紅哂,打電話俾老媽子打救,但係遠水救唔到近火. 唯有同佢出街 (但係佢咁喊法,出到街我好面懵架喎,又無口罩又無帽粒住自己)...唉,都無計, '頻能'到連鞋都換唔切. 放佢落BB車,點知一開門,推出門口 o者,都未同佢搭閚落大堂,就已經即刻收聲唔喊...神奇到呢... 同佢落左街,唔夠5分鐘,瞓左添...我真係要

Outlet & 프로방스마을

今日去左坡州 outlet & 프로방스마을

咁快要暖氣?!

今日假期第2日,有一場單車比賽,隻佬約左幾個單車友一齊為個隊友打氣,要朝早4:30起身車佢地去比賽場.

見先兩日佢話凍,琴晚臨瞓前我就良心發現問下佢要唔要開暖氣,等佢好瞓d,費事無精神開車. 佢又話唔駛,好喇,半夜瞓瞓下凍喇,又要我特登起身幫佢開暖氣.

今日睇完比賽,係屋企食晚飯,隻pat pat鬼又提番話琴晚瞓覺凍喎~ o岩喇,你自己送上門俾我丙咋~

老公: 琴晚好凍呀~

我: 咁我問你要唔要暖氣,你又話唔駛??

老公: 驚你鬧呀嘛~

我: 咁前兩晚唔係好凍,我唔俾你開,你又要開?

老公: 先兩晚我膽生毛呀嘛~

首爾大公園

又係一連3日假期,見天氣涼,好,去行山,就去首爾大公園.

琴日,老公話: 呀~聽日行完山,可以順便去埋動物園,好耐無去過,唔知有咩特別既動物睇呢?

我: 你去未有囉~

老公: 

---------------------------------------------------------------------------------

終於,今日山就行唔成,齋去動物園,都好,行左4個鐘.

天氣好好,一舊雲都無. 秋高氣爽,好有秋天既感覺.