水 = 奶

上兩個月開始戒宵夜, 但係隻佬又唔肯戒...

有晚佢返屋企嗌肚餓, 我就叫佢忍下啦, 忍下就慣架喇, 我都係咁...

佢唔肯...

佬: 咁飲杯奶都得掛...

於是我就倒杯水俾佢...

佬: 吓? 水黎嘅??!!

我: 拿, 你望住佢, 想像下佢係杯奶未得囉~

隻佬跟住打開個雪櫃, 望住盒奶...

佬: 咁我望住盒奶, 想像佢係杯水, 飲得喇啩~

光芒?!

頭先食緊飯, 隻佬攞起我手機睇...

佬: 你做咩較到個螢幕咁暗呀?

我: 我雙眼唔睇得咁光既野嘛...

佬: 哎呀, 咁你點呀? 我塊面咁光, 你又要日日睇我... 

我真係笑到噴飯~

韓楓 - 顯忠祠

Date: 9 Nov 2014 (Sun)

呢日我地去左顯忠祠, 係供奉李舜臣將軍既遺像.

估唔到會咁多人, 泊滿哂車..

超人阿爸阿媽又黎左~

Date: 31 Oct 2014 (Fri)

呢次呀細細妹黎韓國公幹一日, 阿爸阿媽就跟佢一齊黎...托野俾我...

嘩~ 幾個喼都係我既, 真係幾個月都唔駛買糧餉.. 

朝早去酒店接佢地, 然後一齊去屋企附近出名既餐廳食醬蟹.

初初都驚佢地整得太咸, 但係又唔係bor, 少少咸, 仲好有鮮味添~

 

另外叫個醬蟹拌飯, 好好食~

阿爸唔食生野, 叫左個蒸蟹, 好鮮甜...

另外叫個生八爪魚, 呢個好耐無食過lu~

 

食完一齊入仁川行square one, 夜晚就去超市買炸雞壽司做晚飯. 然後第朝一早阿爸媽就跟細細妹搭早機番香港, 真係名副其實既'飛黎食餐晏'~

夕

聞慶鳥嶺 蘋果節

Date:26 Oct 2014 (Sun)

 

宵夜 - 炸醬拉麵

隻佬夜晚返黎就嗌肚餓, 叫左佢好多次戒宵夜, 話極唔聽~

佢就自把自為整左個炸醬拉麵喇...我為左幫輕下佢, 我就話要食啖...

佢鐘意食拉麵, 次次食親都驚我食埋佢一份, 佢每次煮麵都會問我食唔食, 如果我話食既話佢就會整多個麵, 所以我每次都答佢'唔食', 但係每次佢煮完我都會食佢一啖既...

今晚我'好心'為左唔想佢食咁多, 佢又恩准我食一啖, 我就攞對涼衫竹咁長既筷子, 務求夾佢一大啖, 果真, 夾起左一半麵, 嚇得佢...

 



蜆麵

Date: 12 Oct 2014 (Sun)

睇完紅葉, 係時間晚飯醫肚...

清清地食蜆麵...

食蜆麵通常配呢隻即製泡菜...

韓楓 - 首爾大公園

Date: 12 Oct 2014 (Sun)

呢日天氣好好好~ 本來想去江原道睇紅葉, 但係隻佬前一日踩完單車勁攰, 所以唯有近近地去住動物園先, 下星期連續3個星期先去遠少少地方睇紅葉啦~

怪談 - 不速之客

今朝6點隻佬出門口去踩單車, 我整完早餐俾佢之後瞓唔著, 於是就睇新聞, 睇完7點幾又再瞓過...

如常, 一邊聽電台節目, 一邊瞓...

點知瞓瞓下, 感覺到床尾有雙腳踩過, 整醒左我, 仲要係當時我擘大腳, 佢就喺我兩腳間踩過再落床既, 我無理啦, 無幾耐又聽到赤腳既腳步聲行番埋黎張床到, 佢又上床, 我又感覺到張床褥好似有人行過咁壓一壓, 然後我個身就好似打冷震咁, 即係話佢喺我隔離, 跟住我就見到個透明既人影喺我眼前, 我無睇到佢係穿牆走左, 定係瞓左喺我隔離喇, 為左證明我係清醒, 我係真係擘大眼, 試郁又郁唔到, 但係仲聽到電台講緊咩內容既. 既然郁唔到, 又眼瞓, 我都無理佢, 繼續瞓.

過左一陣間, 佢又要落床, 再上床, 來回幾次, 我就俾佢整醒左幾次, 於是我個心講: 好喇, 我要瞓覺, 你唔好左住我.

講完, 我就一覺瞓到10點喇~

------------------------------------------------------------------------------------------

其實我間屋耐唔耐就會有野黎架喇, 試過有晚我瞓瞓下, 俾一班人嘈醒, 我擰轉頭望又無野bor, 但係覺得間屋好迫, 好似好多人咁, 我聽到佢地講野, 但係唔係講韓文, 亦都唔似講人話, 好似外星人講野咁, 唧唧唧唧聲咁...總之好嘈啦...我當時就唸, 念佛經定聖經呢? 於是我心講左句喃嘸阿彌陀佛, 但係唔work喎, 繼續嘈, 於是我就又講番人話: 唔好嘈住我瞓覺呀!
就係咁, 一下子間屋鬆動哂, 靜哂, 我好快又瞓番喇~

-------------------------------------------------------------------------------------------

仲記得有一次瞓晏覺, 我通常係張被蓋過頭黎瞓既, 瞓瞓下, 有人郁我張被, 郁醒左我, 我有唸係未自己發夢, 但係唔係, 因為發夢係無感覺, 亦都唔係我個頭郁, 或者隻手移張被..因為我好醒瞓, 自己轉姿勢我係會知架~

魔術扣

隻佬鐘意睇魔術，我就相反。幾年前一齊去日本，佢貪得意買左個魔術扣，即係將2個圈圈敲兩敲就會扣埋一齊嗰種。跟住佢就攞黎玩..

佬: 你睇! 你識唔識將2個圈扣埋一齊呀?  (俾我睇佢既'戰績')


我: 唔識, 你整俾我睇啦~
佬 (得戚樣): 你試下先啦...


我真係無興趣到掂都無掂, 試都無試就pat埋左一邊, 不了了之過左幾年喇...


前一排, 我條手鍊斷左...

我: 喂, 你以前未買左個魔術扣既?! 拿, 而家我條鍊斷左, 你幫我敲下佢, 整番好佢啦~

佬:

食左藥未呀?

我地兩公婆都有鼻敏感, 不過隻佬就嚴重d, 先排仲因為咁無覺好瞓, 所以就去睇醫生. 醫生仲開多隻藥俾佢食, 係有睡意既藥...

今晚佢返屋企沖完涼...

佬: 我食左藥未呢?


我: 未呀~


佬: 我唸我有痴呆, 咁都唔記得...

我: 食多左粒藥都唔驚啦, 仲好, 可以早d瞓..

佬: 真係...個老婆...好到無人有~

神之腳

舊嗰部加濕機, 我望佢壞左好耐, 又大部又阻定，洗又麻煩。真係唔知好彩定唔好彩，終於壞左。

繼我有神之手，最近仲發覺有神之腳。行路唔小心踢左一腳之嘛，部野咁就神左，真係咁鬼化學嘅？！

之後就買左呢部新既加濕機, 細細部, 最重要既係唔駛洗呀嘛, 耐唔耐換個新水樽, 咁就得左~

今日我生日

今日我話事, 鐘意去邊就去邊...哈哈, 其實平時都係我話去邊隻佬都會同我去, 但係講到水上樂園囉喎, 佢就真係麻麻, 要係平時, 佢就一定say no~

本來唸住朝早10點去到, 點知隻佬又係...10點仲喺張床到, me me mor mor 11:30先出發, 12:45先到. 好彩之前download定優惠 (1點後入場44,000 2人仲送2條churros) , 以防隻佬真係1點先到 (佢仲問我點解唔一早話佢知, 嘩~講左你聽你未大把藉口1點先入場?! 點知結局都係...)

入到去先食飯, 食完又2點, 人地5點閂門, 要爭取時間玩...我地先浸spa, 因為阿姿整大少話暖暖身先, 驚冷親喎...我係女人都無佢咁痾gor, 我淨係想快d出去玩啫.

好啦, 浸完一輪, 佢話攰要瞓覺喎~ 真係...唔駛泵氣喉我都俾佢吹脹呀~ 又要捉住我同佢搵地方瞓覺, 搵到啦~ 又話怕曬, 又話嘈...俾佢玩完一輪都費事理佢, 自己走出去玩開心河...好鐘意玩開心河, 每次玩都唸番起以前海洋公園既水上樂園. 仲有老媽子整既卥水雞肶, 卥水鴨翼呀, 蛋呀咁, 真係絕配~

今日好少人, 玩咩都好似自己霸哂個場咁, 爽呀~!

3個鐘話咁快就過, 真係玩到唔捨得走呀~

龍仁 MBC Dramia

Date: 13 Sep 2014 (Sat)

呢日去左MBC 既片場, 夏天去既話會太曬, 而家轉涼左, 太陽無咁勁, 行都行得舒服d...

同埋又有外國人優惠呢, 入場只係5,000won.

泊好車...

佬: 拿~ 你扮外國人去買飛, 知無?!

我: 車, 我駛咩扮啫, 我明明就係外國人, 傻仔...

佬: 係噃~

韓國人中秋食咩野?

Date: 9 Sep 2014 (Tue)

韓國人中秋食松餅, 外皮係用艾草+米整既, 裡面既餡有d會包芝麻+蜜糖, 有d係綠豆蓉, 有d係紅豆蓉. 而呢碟係啊嫂整既...

中秋返鄉下 - 噩夢篇

Date: 7~8 Sep 2014 (Sun & Mon)

一連5日既中秋假開始~ 不過我地只得4日...點解? 其實韓國今年先開始有補假呢樣野, 往年係無既, 所以以前全年都係得10日左右假期, 今年就多左好多...但係補假呢, 就唔係法定既, d公司可以揀俾唔俾人放假, 隻佬就揀唔放囉~

好啦, 其實我地近呢幾年既大時大節都好少返鄉下, 因為真係好怕塞車, 而我就怕要洗碗喇, 香港人喺屋企食既話頂多都係8餸1湯加幾隻飯碗, 而家甚至多數出街食添...但係韓國人唔同呀, 唔興出街食, 嘩, 嗰d拌菜, 細細碟細細碟, 仲要每人1個飯碗再加湯碗, 食一餐飯要洗既碗有成半個人咁高真係小意思...我試過要洗成個鐘碗呀...陰公...

6號開始假期, 隻佬就算手指, 邊日返好呢?! 邊日無咁塞車呢?! 於是佢就算到7號星期日朝早9點出門口喇, 點知9點佢個人仲喺張床到, 等呀大少起身起得程成10:30. 不過都算好彩, 去程無咩點塞, 中途食埋午飯總共5個鐘頭到左鄉下.

反而對面去首爾條線就勁塞...

濟州黑毛豬

睇完小瑞士村就出番市區食黑毛豬, 好好食, 好彈牙, 真係好有豬味架~
連d肥豬肉都唔怕食, 因為係不飽和脂肪, 食落唔似白豬咁成口油膩膩, 仲好爽添~

韓國小瑞士 (4)

然後就去胡桃夾子館

韓國小瑞士 (3)

再遲d, 呢個景就會變左...人多過屋...

韓國小瑞士 (2)

我仲以為呢日星期六會多人黎, 但又唔覺好多, 可能隔涉啦...

韓國小瑞士 (1)

Date: 30 Aug 2014 (Sat)     韓國有個小法國村, 而家多左個小瑞士村, 呢個小瑞士村開左無幾耐, 趁未係好多人去快d去左先, 唔係遲d勁多人時想攝個位影相都難. 入場費10,000won, 我地有半價票, 所以好抵呀~

一山湖水公園

Date: 23 Aug 2014 (Sat)

好似好耐無去 outdoor, 漢江我又覺得多車, 空氣污濁, 首爾林又無咩野睇, 於是揀左去一山喇~

唔錯唔錯, 遊下車河, 行下公園, 行一個快既話圈要1個鐘...

微雨中的動物園

Date: 17 Aug 2014 (Sun)

隻佬繼去左踩2日單車後, 呢一日又話去同小學同學見面喎, 係畢業之後第一次見番面~

不過佢玩時玩, 都仲有我心,,,haha, 佢買左2個西瓜, 一袋蘋果, 一盒番薯返黎俾我~

好啦, 佢有節目, 我都唔執輸, 走左去動物園, 呢日不單陰天, 仲係落雨天, 不過落雨行動物園好正架, 下次又趁落雨再去下先~

每星期都有擺檔, 連好難搵到既無去皮綠豆都有呀~

佬生日, 放生日

琴日隻佬生日, 佢就話想同單車友去踩單車, 過埋夜, 佢舊年已經想架喇, 不過好似後尾無去到, 今年我就放生佢啦...話時話, 放生佢 = 放生自己, 我都可以抖一抖, 唔駛煮飯佢食, 自己想食咩就食咩, 琴晚自己瞓哂成張床, 不知幾好瞓, 成10:30先起身, 哈哈~

本來唸住呢幾日睇下有咩地方去, 點知第1日遲左起身, me me mor mor 攪到2點, 姿姿整整埋成4點先出得門口? 唔好喇~ 唸住今日先出啦, 10:30 起身, 食個早餐, 再洗下被單, 攪掂完又見出太陽, 怕熱既我都係唔出喇, 至多出去行個圈做下運動曬少少太陽算~

都係聽日先出街啦, 睇天氣報告聽日陰天, 又涼少少, 哈哈~

睇戲有野送

Date: 10 Aug 2014 (Sun)

呢日去左睇戲, 韓片'嗚梁'...
評語: 悶! 悶! 悶!

韓片 + 歷史片 + 戰爭片 = 悶片

以上3個元素係隻好好既催眠劑, 已經叫定周公湊定腳等我, 開場無幾耐我就真係去左打牌. 片長2個鐘, 我已經瞌左2次覺, 2次都係俾隻佬整醒, 都唔明, 佢有佢睇, 我有我瞓, 係都要整醒人!!!

韓國人就好捧場呀, 緊係啦, 講佢地既英雄李舜巨嘛~

全場每人一包細細細細包薯條~ 真係食飽就瞓~

一大箱薯仔



上個月,秘書小妹既爸爸寄左一大箱薯仔俾隻佬, 得我地2個都唔知點食. 上次又係佢個單車友又俾左一大箱生菜...d菜又唔擺得耐, 就拿拿林俾左d 個朋友, 剩低既好彩食得哂...其實都唔明點解韓國人鐘意一大箱一大箱咁俾人...食唔哂真係好浪費架麻...

我鐘意食有澱粉質既野, 番薯呀, 芋頭呀, 但係偏偏薯仔就麻麻地, 先一排先日日食,日日清, 都食到厭喇~ 繼飛機恐懼症之後, 我怕我又會有薯仔恐懼症呀~~

有朋自香港來

Date: 1-3 Aug 2014 (Fri-Sun)

小學老死黎左韓國'公幹', 佢每次黎我地都會出黎食野, 今次都唔例外啦, 佢每次要求都係獨孤2味, 就係食燒牛&海鮮喇, 不過今次佢住仁寺洞, 講真仁寺洞無咩好食, 好彩揾到附近有間食魚生...

頭一晚陪佢去掃貨, 攪到成10點先食飯, 就食左炸雞喇~

第2晚去食魚生, 3個人叫左2碟大魚生, 比目魚 & 우럭.

Outback

Date: 12 Jul 2014 (Sat)

呢日去左睇戲, 猿人爭霸戰:猩凶掘起, 我覺得好睇過transformers, 睇完就去食飯...

又係outback, 隻佬鐘意食...

怪談 - 攪笑版

先2年既一個晚上, 我同隻佬一齊睇鬼片...

佬: 呀~ 外國鬼呢就好衰既, 唔理好人壞人, 見人就殺...但係韓國鬼呢, 只係殺d衰人既啫, 你地d中國鬼係點架??
我: 我地中國鬼唔殺人架~~

air-con vs remote-con

話說隻佬好怕熱, 晚晚都要開冷氣先瞓到, 但係佢成日就亂pat 個 remote-con, 成日都要問我個remote-con 去左邊...但係...佢就成日都係咁樣問我架噃...


佬: air-con 呢?

我: (我就整鬼佢, 指住裝o係牆上面部冷氣機) o係牆上面囉~

佬:

琴晚又係...佢想搵 TV既 remote-con...

佬: 個 TV 呢?

我: (我又指住部 TV) 咁大部都睇唔到??

涼拌苦瓜

Date: 8 Jul 2014 (Tue)

等左咁多年, 終於響超市有得買苦瓜喇~~~

拿拿林買黎食啦~~

第一次整, 隻佬話未見過呢隻瓜, 唔出奇呀, 韓國咩都無....

怕隻佬第一次食唔慣苦, 又怕佢唔食豆豉煮苦瓜, 所以俾我唸到...涼拌苦瓜~!!

我覺得好正, 又唔苦, 又清爽, 食完仲涼浸浸添, 以後要多d買黎食~~

lotte dept store 晚飯

Date: 5 Jul 2014 (Sat)

星期六去左lotte dept store 換coupon,  順便去頂樓揾食...

老公叫左牛尾湯, 我就叫左漢堡排定食. 兩個餐都唔錯~

釜山2日遊

Date: 28 Jun 2014 (Sat)

舊年已經想黎睇花, 但係錯過左, 整整等左1年, 今年無論如何都要黎睇~

隻佬其實唔鐘意去釜山, 所以我無叫佢同我一齊去架, 我淨係同佢講我會自己一個人去~  唔知隻佬係未以為我順便走佬, 係都要跟住我...

因為要開成5個幾鐘車, 本來揀搭ktx, 點知仲貴過油錢, 咁睇下火車啦, 都要搭5個鐘架, 但係淨番上午7點幾班車, 回程又滿哂, 最後都係自己開車去lu~

返鄉下 - Day 2

Date: 7 Jun 2014 (Sat)

第2日朝早, 我地就洗車, 洗洗下, 我同隻佬講, 唔駛洗啦, 我郁親手洗第2日就一定落雨既~ 所以我都好幾年無用手洗車...

不過隻佬無理我, 咁我又同佢一齊繼續洗...我呢隻神之手, 都唔駛等第2日喇, o個晚半夜已經落雨喇~

洗完, 就夠鐘去食飯, 約左大伯, 大嫂 & 奶奶. 好野~ 出街食...其實好怕返親鄉下要o係屋企食, 因為淨係洗碗都洗到腰痛...

今次食韓定食, 呢間好多人呀~ 多人到落左單等左好耐先上檯...

餸呢...多就多喇, 不過無咩o岩我, 炸野已經有2碟, 泡菜我又唔食既, 肉又少食, 醃生蟹又唔敢食, 個大醬湯...唉...一啖都無飲過, 碟蒸蛋呢..食左一啖, 然後俾哂奶奶食, 佢易入口嘛, 即係...我食左咩呢? 食左碗飯 & 沙律囉~

返鄉下

Date: 6 Jun (Fri)

6-8 Jun 一連放3日假, 我地頭2日返左鄉下, 我都成年幾無返囉....

10點出發, 預左塞車塞爆, 7點幾先到, 即刻去探奶奶先...話時話, 我發覺我有少少面盲症, 去療養院探奶奶時居然唔認得佢個樣...佢一路同老公講野既時候我一路望住佢...點解佢個樣都唔似奶奶既??!! 我地傾左一陣, 因為未食飯呀, 所以好快走...然後就去大嫂屋企攞奶奶間屋既鎖匙, 之後就去食飯喇~

今次轉左另一間食漢堡排, 因為佢有鴨漢堡, 我想試呀~

驪州Outlet

Date: 31 May (Sat)

呢日去左驪州outlet, 想買件運動衫, 不過睇唔o岩, 反而隻佬就執左件衫...

行左成日都無收獲, 要填補下空虛既心靈, 食個撈冰先, 嘩~ 成好多年無食喇...揀左至愛既朱古力, 一舊舊既係朱古力蛋糕...不過硬係加埋紅豆落去, 都唔夾朱古力味既...

食完都6點幾, 食時候返首爾lu~

Herb Island

Date: 24 May 2014 (Sat)

呢日天氣呵呵呵~ 就去抱川既Herb Island

Outback

Date: 17 May 2014 (Sat) 

是日無出街逛, 淨係夜晚出左outback 食飯

我地2個至愛既麵包

壽司放題

Date: 5 May 2014 (Mon)

假期第3日, 到我話事食d咩, 就去食壽司放題啦~

除左壽司帶上既壽司, 每人可以自選5碟即叫即做既, 不過我唔記得叫鰻魚呀~~

味道呢...ok啦, 好食又唔講得上...純粹係過下口癮...

한택식물원 韓宅植物園



 Date: 4 May 2014 (Sun)

假期第2日, 去左睇花, 呢個植物園都好多花睇, 唯一唔好既係d肥料勁臭, 臭到好似去到邊都有間公廁喺左近...