雨後動物園+少少紅葉

未到時候睇紅葉,又無咩地方想去,咁不如去探下老公d朋友啦~ 

天文台話星期六日會落雨,但係呢度既天文台又無時準...咁點呢...

琴日,真係落雨,兼行雷閃電...咁今日又話上晝會落雨,12點後就有陽光...信唔信好呢??

今日10點幾,個天暗,無幾耐就落雨,仲係,睇個勢,真係唔似會有陽光喎~ 11點半,嘩 ~真係~ 太陽出來了~~

好!就按計劃行事,去動物園探老公d朋友,又可以食我鐘意個檔既粟米,魷魚...正

真係搵鬼信上晝落過大雨黎~

正名係加勒比火烈鳥,粉紅色,好靚

呢隻貓頭鷹又好靚

有少少紅葉睇~

萬綠叢中丁點紅~

呢棟銀杏算係公園裡面d葉最茂密.講起銀杏,我問佢點解棟樹無銀杏既?? 佢就話因為係雄樹,要雌樹先有銀杏架. 嘩~好叻呀!

我問佢: 係未小學讀番黎架?你仲記得既?

佢居然答: 幼稚園教架~

我: ...吹脹~ 

再查下,oh,原來要一雌一雄種係一齊先有銀杏架,神奇...

話明探老公d朋友,點少得探埋佢表親呀,hi~

首爾動物園由1909年開始,已經有過百年歷史... 唸番起以前荔園,最記得隻象;而家,唯一所謂既動物園就淨番動植物公園.

6點就天黑,走lu~