水 = 奶

上兩個月開始戒宵夜, 但係隻佬又唔肯戒...

有晚佢返屋企嗌肚餓, 我就叫佢忍下啦, 忍下就慣架喇, 我都係咁...

佢唔肯...

佬: 咁飲杯奶都得掛...

於是我就倒杯水俾佢...

佬: 吓? 水黎嘅??!!

我: 拿, 你望住佢, 想像下佢係杯奶未得囉~

隻佬跟住打開個雪櫃, 望住盒奶...

佬: 咁我望住盒奶, 想像佢係杯水, 飲得喇啩~

光芒?!

頭先食緊飯, 隻佬攞起我手機睇...

佬: 你做咩較到個螢幕咁暗呀?

我: 我雙眼唔睇得咁光既野嘛...

佬: 哎呀, 咁你點呀? 我塊面咁光, 你又要日日睇我... 

我真係笑到噴飯~