結婚周年

1月5日,今年既結婚周年真係唔講得笑,舊年已經plan 去邊度邊度咁. 初初唸住去日本,但係冬天唔想著到一舊二舊,成喼都係冬天衫咁去,好啦,等暖d先再去. 又唸不如去慶州啦,因為突然對韓國歷史有興趣,同埋風景又唔錯,e?! 又係冬天,分分鐘凍過日本,仲要全程都係室外睇遺址,頂唔順,又遲d先. 咁不如照往年咁,放自己半日假玩下食下,本來唸住去松島,順便食海鮮,點知2日前收到通知同政府有個meeting, 下午3點鐘開,即係點呀?玩我呀? 上午開唔得既, 仲要係d唔三唔四既時間,唉~ 唯有近近地去Lotte World啦, 老公開完會成5點,塞埋車去到6點,又未食飯,食埋飯既話得番2,3個鐘,都夜喇,去黎做咩鬼,唔通去同人拉閘咩?! 最後,走去食燉牛肋骨,行一陣街,買埋個蛋糕返歸. 就係咁,極之平淡,計劃之外既周年紀念完左.

韓國倒數 2011 -> 2012

去完Everland, 夜晚11點前返到屋企, 今年特別想出去倒數, 因為往年都好靜,無咩公司攪戶外倒數,頂多都係傳統式既普信閣敲鐘,又遠又多人又封路,都唔會去. 今年o係江南站附近就攪左個倒數,由Hyundai汽車同埋江南區廳合辦, 近近地o岩我,完左都可以行返屋企,唔駛同人迫.

今年都係第一年唔同老公過,佢好煩...哈哈, 靜雞雞 '了'左出去,自己樂得清靜.

成條街都係大氣球,上面寫哂願望.

Everland

2011年最後一日,星期六,去左Everland, 嘩~勁勁勁多人,多人到睇唔到地面. 樣樣都排哂長長龍,連Safari都無去到,只係周圍行下睇下算,都無心機影相.