Date: 7 Jun 2014 (Sat)
第2日朝早, 我地就洗車, 洗洗下, 我同隻佬講, 唔駛洗啦, 我郁親手洗第2日就一定落雨既~ 所以我都好幾年無用手洗車...
不過隻佬無理我, 咁我又同佢一齊繼續洗...我呢隻神之手, 都唔駛等第2日喇, o個晚半夜已經落雨喇~
洗完, 就夠鐘去食飯, 約左大伯, 大嫂 & 奶奶. 好野~ 出街食...其實好怕返親鄉下要o係屋企食, 因為淨係洗碗都洗到腰痛...
今次食韓定食, 呢間好多人呀~ 多人到落左單等左好耐先上檯...
餸呢...多就多喇, 不過無咩o岩我, 炸野已經有2碟, 泡菜我又唔食既, 肉又少食, 醃生蟹又唔敢食, 個大醬湯...唉...一啖都無飲過, 碟蒸蛋呢..食左一啖, 然後俾哂奶奶食, 佢易入口嘛, 即係...我食左咩呢? 食左碗飯 & 沙律囉~