韓國首爾遊 - Day 2

Date: 12 Nov 2011

今朝9點接佢地,琴晚講開佢想試韓國番薯,咁o岩屋企仲有幾個,就帶埋柿,黑豆奶,蛋俾佢地當早餐. 姑姐居然話好懷念我呢日整俾佢既早餐,特別係番薯. 我仲教佢點焗番薯,唔駛落水,費事整到d番薯濕淋淋.

第1站去北村韓屋村,行過三清洞,仲有幾棵有葉既銀杏樹,快d影番張先. 但係,原來d銀杏樹真係好臭架,好似坑渠傳出黎d臭味咁.

第2站,景福宮,對我黎講,空地一塊,佢地都覺得無野睇,反而佢地對博物館幾有興趣.

咩人住咩屋,有錢人有"瓦 "遮頭,農民住草屋.

有我鐘意既韓紙公仔,佢地忙緊整kimchi.

呢個係用黎磨辣椒粉.

好多種唔同既kimchi, 水泡菜,蔥泡菜,青瓜,...

呢隻棋,唔知點玩既呢??

然後去明洞食蔘雞湯,叫左個海鮮煎餅,幾細心喎,揾張紙索走d油,真係無咁油膩膩.

食完行下明洞,跟住車佢地去金浦去濟州.