韓國佬 x 香港婆 : 旅行變齋食午飯

假期第3日,去邊好呢? 今日d人開始由鄉下返首爾,去得遠得滯返黎又驚塞大車,唸下唸下去束草啦.

一入高速公路入口,嘩~唔係呀化~

再行前d, 嘩~真係唔係呀化~

咁攪法,聽朝都未去到,經我地兩個傻人既玩野決定,束草之旅宣佈取消.出左門口唔夠20分鐘調頭返屋企,唔甘心

要快d搵出口走人,行呢條邊邊路,其實唔俾行架,但係差幾百米到出口,話知你啦.

yoho~出口順暢,就咁去左河南市,搵地方食飯. 中秋正日,好多餐廳唔開,開既又唔 o岩我食..

a~ 俾老公 '目及' 到,好~ 去食. 初頭誤會左,以為食黑豬麵,新野正喎,睇真d,原來係黑豬同埋冷麵. 唔緊要啦,我都鐘意食黑豬.

濟州黑豬,巧巧味呀,豬頸肉又夠彈牙,點中間個醬汁食 - 絕配

,件五花腩lung住d豬皮,燒耐d,豬皮燒得脆脆地,woo~ 另外有個쌈짱,應該係自家制,唔同出面現成既. 唯一唔好既係佢唔係用鐵網,無得直接燒咁d豬油走

最後飯桶先生要食飯,所以叫左碗飯,奉上된장찌개(大醬湯). 我出街奉指唔食呢個湯,唔鐘意食之餘又覺得無咩特別. 但係飯桶先生係食된장찌개既專家,經佢話好食既唔會死錯人, 我又忍唔住試左一啖,之所以肯試,係因為阿豬媽連拌菜都整得好食,蒸個蛋都聞到蛋香 (我鼻盟都聞到喎). 一試,真係與別不同 (個大醬湯應該係用上面個醬汁做底). 最後,撈左半碗飯食.