갈비탕

為慶祝中秋假期既開始(哈哈...個藉口好完美),今晚出街食飯,去左食갈비탕(牛肋骨湯). 牛肋骨湯可以話係咁多韓國菜中最鐘意食同接受既菜之一,因為呢邊無咩湯水可以煲,咁唯有耐唔耐飲下呢個湯當補身.

前菜:左邊既泡菜同깍두기(蘿蔔泡菜)我無掂過,所以唔知好無食,中間係南瓜,右上係生八爪魚,調左d辣醬,可以擺耐d,好食. 右下係홍어무침(洪魚),又係生既,加左d辣醋醬和其他材料,又係好味,食完仲叫佢添多碟.

主角牛肋骨湯...

食過咁多間,始終最鐘情係呢一間,真材實料,誠意十足.有牛肋骨唔在講,俾埋幾塊牛腩片,仲有白果,栗子,雖然得兩粒白果一片栗子,但主角係牛肋骨嘛,用料已經俾出面d鋪頭多喇,唔似得其他鋪頭得兩三舊骨,加一撮粉絲,仲要係罐頭湯唔係自己餚.

不過裡面有粒紅棗,其實韓國人都好興放紅棗,但係老公叫我唔好食,因為放紅棗既原因係餚湯時粒紅棗吸左d毒素,問過另一個韓國朋友,佢都話好似係,唔知係未真,我無聽過...

食d肉時點一點隔離個汁,酸酸地,絕配.

除左呢間,機場有一間都唔錯,好似係shilla旗下,每次由香港返來,都會係呢間食埋晚飯先返屋企.