嘩~ 隱形左好耐...
先排忙攪自己新開既韓國代購,之後又另有工作在身, 忙到成頭煙, 而家先吹熄竹番...
好喇, 上個幾禮拜去左聞慶鳥巔蘋果節, 順便睇埋紅葉, 遠就遠左d, 不過都值得. 空氣清新, 環境又靚, 仲要不停試食蘋果, 哈哈, 真係飽架~
其實車程只係2個幾鐘, 但係我地真係hea住咁去, 中途食下野, 又塞下車, 成4個鐘先去到.
食晏時我叫左個最安全既烏冬, 但係隻佬叫既泡菜鍋仲未到, 佢又肚餓, 咁就食左我一半烏冬喇, 唯有食 'gur gur 京' 啦~
今年第一餐既快餐...
4個鐘, 終於到, 但係仲要排隊泊車...
d人排哂隊, 等派蘋果, 每人一個, 我唸有無500人呢...
成條街都係賣蘋果, 蘋果汁, 任你試食...
柿樹,
蘋果樹...細個以為蘋果樹好似西蘭花咁架, 但係見到真既蘋果樹會失望囉~
蘋果鑑賞...
古時既客棧...
地方好細, 入面淨番呢間屋...
洗腳池, 你敢唔敢去洗~~
行完山, 緊係睇下有咩賣啦~
五味子汁...
浸五味子
最後我地買左一盒蘋果 & 蘋果汁..
欣賞佢既蘋果汁, 100% 蘋果汁, 無添加~
靚靚靚!!! 你真健康11月先食今年第一餐快餐!
回覆刪除但係我食好多餅乾面包呀
刪除你地好似年年都去聞慶鳥嶺喎~~~
回覆刪除蘋果汁會唔會好甜, 甜到乸喉咁架??
舊年無去呀,呵呵
刪除唔會,好天然,試過才買。