午飯: 蜆湯,三文魚

今日煮個바지락국(蜆湯),養顏又食唔肥.

首先滾起條大蔥,出一出味,然後落蜆煮熟就ok,非常簡單快脆;不過洗蜆就洗餐懵.

講究D既可以加埋半個洋蔥做湯底,更鮮甜.不過失策,最後唔記得落綠色辣椒,辣辣地好食D.

買左塊三文魚排,手掌咁大塊 2,900won(廿蚊),仲係減左價,原價三十幾蚊,唔知算唔算貴呢,香港買幾錢架?

不過我好鐘意食,用鹽,胡椒粉,香草醃一醃,再用焗爐焗~

我平時淨係食餸唔食飯,但係一煮親魚(要啖啖肉既)就一定會撈飯一齊食.其實我都好鐘意魚汁撈飯架,但呢度鯇魚又無,都唔知咩魚可以煮到出汁.

煲魚湯唔駛講啦,次次都失敗,有一次仲煲到成湯黑色,之後都未試過再煲lu~