Date: 22 Sep (Sun)
呢日係中秋5日假期既最後一日, 好多人都會返黎首爾, 因為驚塞車, 所以好早就出門口, 不過好彩, 來回都無塞車, 3個鐘頭車左右, 12點就去到喇..
買入場票先, 65歲以上半價, 佢地又唔check 身份證 passport 咁, 講個 '信' 字.
呢日好大霧呀, 又唔知海拔幾高咁, 所以就算夏天黎都要帶外套...
行左差唔多一個鐘, 去餵羊羊~
餵完羊羊, 就餵自己囉, 去食飯, 食完飯本來想帶佢地去三養牧場, 點知老豆又發揮佢既本色...we wun wun ~ we wun wun ~ 話老公來回開成6個鐘頭車驚危險喎, 仲叫我地以後一日唔好開超過3個鐘車, 唉~ 邊可能呀, 返一次鄉下, 塞起車上黎, 閒閒地一程都要6,7個鐘, 如果咁講, 3個鐘既話, 咁我地未要中途搵地方瞓, 2曰1夜先返到鄉下? 我就唔驚老公既駕駛技術, 佢都有車品, 眼瞓既話佢會小休一陣先再開車, 喺韓國開車, 驚既反而唔係我地自己, 而係人地d車, 韓國人出名開車兇狠, 癲架, 逆線行車啦, 醉酒驚駛啦, 超載啦, 亂cut線啦, 香港無既呢度有齊, 香港未見過既可以黎呢度開下眼界, 係驚佢地無啦啦撞埋黎, 真係唔驚得咁多...我唔驚老豆鬧, 係驚佢既 '哦' 功, 係會令到你有幻覺 (夜晚瞓覺都會'聽'到佢把聲), 從而耳嗚, 為左我呢晚有覺好瞓, 順佢意, 回程, 起駕~~
中途我地會經過outlet, 由於時間太早既關係, 就去outlet 行下, 老公唔鐘意shopping, 佢就喺出面等我地, 點知俾我發現到o岩佢既褲, 即刻叫佢入黎試試, 佢好鐘意呀, 佢返到屋企仲話結婚咁耐, 我最有建設性既事就係幫佢揾到平靚正既褲喎~ 死啦你~
仲有就係買左d衫俾2隻小魔怪啦~ bb衫真係好得意~
沒有留言:
張貼留言