韓國倒數 2011 -> 2012

去完Everland, 夜晚11點前返到屋企, 今年特別想出去倒數, 因為往年都好靜,無咩公司攪戶外倒數,頂多都係傳統式既普信閣敲鐘,又遠又多人又封路,都唔會去. 今年o係江南站附近就攪左個倒數,由Hyundai汽車同埋江南區廳合辦, 近近地o岩我,完左都可以行返屋企,唔駛同人迫.

今年都係第一年唔同老公過,佢好煩...哈哈, 靜雞雞 '了'左出去,自己樂得清靜.

成條街都係大氣球,上面寫哂願望.

無想像中咁多人,但係對面街就濟滿哂人睇個大螢幕,我呢個危機主義者就唔敢過對面,唔知d人會唔會失控,人踩人未弊~


倒數完d氣球就會升起

初時以為係假人,睇真d原來係真人黎架~

開始倒數..10,9,8...3,2,1 HAPPY NEW YEAR~

以為韓國人會瘋狂歡呼,因為佢地係大情大性,開心唔開心都擺哂上面,但係今次既倒數就比含蓄既香港人更含蓄,好平靜,完左後又好安靜咁離開...都係香港精彩熱鬧好多~