全羅南道 - 順天灣,光州 (Day 2-1)

Date: 14 Aug 2011

經過琴晚既折騰,今日瞓晏D,10:30出門口食Brunch..

出門口前,係御花園視察一下,大伯一家係做有機食品生意,佢地咁注重健康,呢度種既當然係有機啦.

花生樹,原來係咁架,真係第一次見...

前面係芝麻,後面係蕃薯...

柿樹,每年佢地都會寄一大箱柿過來,每年都食唔哂,硬柿擺到變林柿,雖然林柿會好甜,但唔擺得耐,唯有一日食3,4個...先兩年,當我食到差唔多剩番半箱柿,佢地無端端又寄一箱過黎,個一刻真係想搵人打救,同埋係第一次嫌多呀~

呢塊地係我既...就好囉~

去光州,一定要去食鴨湯,成條街都係食鴨湯.

2個人叫半隻鴨...

拌菜,只係食左兩淡,因為要留肚食鴨湯

將紫蘇的種子(들깨) 同 辣椒醋醬(초장)撈埋一齊先.

登登登登~主角出場~主要係用大醬整個湯.

好,放D水芹碌一碌,唔好一次過放太多呀,唔係就會破壞成個湯既味道.

撈起水芹點個醬一齊食,,嘩~正!

又可以點鴨食,,huhu~

最後叫個白飯,撈鴨湯食...真係~3個字-- 無得彈! oh,,又流口水~

好,食完飯,出發去順天灣...