釜山2日遊

Date: 28 Jun 2014 (Sat)

舊年已經想黎睇花, 但係錯過左, 整整等左1年, 今年無論如何都要黎睇~

隻佬其實唔鐘意去釜山, 所以我無叫佢同我一齊去架, 我淨係同佢講我會自己一個人去~  唔知隻佬係未以為我順便走佬, 係都要跟住我...

因為要開成5個幾鐘車, 本來揀搭ktx, 點知仲貴過油錢, 咁睇下火車啦, 都要搭5個鐘架, 但係淨番上午7點幾班車, 回程又滿哂, 最後都係自己開車去lu~


好彩無塞車, 好順利咁直達太宗台, 醫下肚先, 唔係無力行~ 揀左燉牙帶魚, 原來無期望係有驚喜架, 我地仲一共食左3碗飯~

食完開始行程, 本來唸住搭呢架循環車既, 點知見到個蛇餅, 嘩~ 去到睇花都未輪到我地上車, 所以決定行喇, 當做運動啦~ 呢日天氣好好呀, 好過首爾, 以為出大太陽行山會好熱啦, 點知一d都唔熱, 有涼風, 勁爽呀~

沿路都有樹蔭, 唔驚曬~

係得呢條路無樹蔭, 但係一d都唔覺曬bor~

好快就上到黎太宗寺喇~ 嘩~ 真既場景好壯觀架~!!! 好靚架~!!!

真係靚到唔願走...
我地繼續繞個山行一圈, 睇下燈塔, 睇下海景..我估行左3km 左右啦, 行完順便去超市買生果,早餐.

嘩~ 苦瓜, 第一次見到超市有賣, 好開心, 但係無買, 留番返首爾睇下有無...

然後就去check-in, 再出去食晚餐, 釜山真係無咩好食, 最出名既豬肉湯飯都吸引唔到我地, 最後都係揀食蔘雞湯...唔記得影主角, 但係d配角都幾好味呀~

話就話2日遊, 其實釜山無野睇, 如果唔係黎睇花我地都唔會特登黎釜山旅行...所以第2日瞓夠就直接開車返首爾lu~