名副其實之 睇戲行街食飯

Date: 3 May 2014(Sat)

一連4日既公眾假期開始喇~

本來唸住去下2日1夜旅行既, 但係又有少少賴執行李, 於是叫老公決定, 點知佢話分開2日去唔同地方, 1日佢話事, 1日我話事喎~

咁呢一日佢話事去睇戲 - 蜘蛛俠....唉, 其實我而家唔係好鐘意睇戲, 無咩耐性坐定定2粒幾鐘睇住個銀幕, 就算喺屋企睇一套戲, 我都係分開幾日先睇完, 因為我係會走黎走去, 掂下呢樣掂下o個樣咁, 攪下攪下又到瞓覺時間, 就係咁要幾日先睇得哂~

不過真係好耐無陪佢睇, 公平起見由得佢, 咁我未當租張椅瞓覺囉~

但係又出乎意料OK喎, 並唔算好睇, 但起碼無催眠我, 由頭睇到落尾呀~

睇戲仲有野送添, 廣告商每個位都擺左支yogurt, 初時以為得個樽裝飾咋, 點知真野黎架喎, 仲要咁大支, 開講有話'無咁大隻蛤乸隨街跳既'...睇定d先, 睇下有無人飲, 好耐都無人飲呀, 隔左好耐先見到有一個人飲, 但係我隔離左右到完場都無見佢地飲噃, 但係離場時d yogurt 又隱哂形, 咁我都攞番屋企lu~

散場後去左龍山既ipark mall, 行左一陣隻佬就想食飯返屋企, 見無咩野行, 就同佢去食飯, 食完去超市入貨, 然後返屋企lu~