韓國千年銀杏樹 - 龍門寺

Date: 26 Oct 2013 (Sat)

呢日去左龍門寺睇千年既銀杏樹, 都幾多人去, 又塞車, 個幾鐘既車程, 11點幾出發, 差唔多成3點先去到 (不過中途我地去左食晏).

嘩~ 入口已經好黃喇~ 不過好得意, 右排黃哂, 左排仲係綠...

泊好車行入去, 都幾靚~ 

然後就行上去喇, 好近, 好快就去到~ 成條路得3,4成變左紅葉~

 終於見到千年銀杏喇, 不過未變色, 但係真係好大棵~

走既時候, 我地順便去左環保農業博物館睇野, 出番黎既時候, 唔記得我自己講緊咩...不過應該係我窒佢, 佢窒我咁啦~

佬: 無垃圾桶既...??

我: 你要丟咩呀?

佬: 你囉~

我:

呢隻招牌蜜瓜雪條出左新味 - 杧果味, 不過食食下個味道有d假, 同埋勁多香精味...

跟住開車返屋企途中, 佢要吐香口膠, 我遞張紙俾佢, 點知佢唔小心吐左落我手指到...

我: 嘩~~ 好核突呀~~

佬: 咩核突呀, 我係你老公黎架, 第時我老左你要幫我洗蘿柚添呀~

我: 好呀, 我用鮑魚刷幫你洗~

佬: